عشوائية

أتساءل: ما الذي تفعله امرأة تشعر انها بالصدفة، بالصدفة المحضة، بقيت على قيد الحياة؟ كيف تسلك في الدنيا إن كان وجودها، كل السنين والشهور والأيام واللحظات الحلوة والمُرّة التي عاشتها، فضلَة حركة عشوائية لقدر غريب؟ كيف تسلك في الدنيا؟"


د. رضوى عاشور

Sunday, July 23, 2006

السلام عليكم

السلام عليكم
لمين؟ مش لازم يكون لحد، ممكن ماحدش يكون هنا أبداً، واللى بكتبه أو هكتبه هنا ماحدش عمره يقراه أبداً بس اهو حتى السلام عليكم اقولها لنفسى، يمكن يبقى عليا فعلا سلام الله.
أنا مش عارفه اصلا ابتديت أكتب ليه.. يعنى أنا مش هكتب عن حاجه مهمه لا هكتب عن السياسه ولا الدين ولا الفن حتى.. مش عن اى حاجه مهمه.. أنا بس لقيت نفسى كل ما يحصل حاجه الاقينى بفكر فيها مع نفسى كأنى بكلم حد تانى... وآخد وأدى فى الكلام مع الحد ده.. فقلت طيب ما احسن اطلع الكلام ده بره مخى بدل ما اتجنّ ولا أطق ولا يجيلى المرض البطال أحسن.
وبما انى ما فيش حد عنده دماغ يسمع حد، ولا بصراحه فى حد ناقصه مشاكل عشان يقعد يسمع شويه هيافات انا هقولها، فقلت أما اقولها مع صديقى الجماد العزيز المسمى بالكمبيوتر... لم شكنى يوماً إلى أحد أو لم أسمعه يشكو على الأقل.. هو هيسمع شكوتى وينقلها للى بيسموه الفضاء السايبرى... وان كنت مش عارفه ليه سموه كده... يمكن زى ما بيقولوا على الراديو الأثير مثلا؟
يلا مش مهم... المهم اننى أعلن وجودى فيك أيها الفضاء السايبرى..وجودى الذى لم استطع اعلانه فى فضاء الدنيا
ربما كنت أكثر جبناً من أن أفعل..
ولكنى هنا الآن
وعسانى أبقى وقتاً طويلا
أنا

4 comments:

m s said...

W 3aleekom el salam :)

by the way July 23 is my birthday..

Ayat said...

Then,
happy birthday :)

صديق قديم said...

عليكم السلام يا ستى اهو قعدتى عمر تكتبى يمكن تكونى كسبتى شوية اصحاب لكن اهم من ده انك تكسبى نفسك يا ترى كسبتيها

Anonymous said...

hi ana sara te3rafi in 3ed melad ..3'ada..yom 23/7 ...w 3ed melad el bloog beta3ik kaman ...yala kol sana w el bloog beta3ik tayeb w dayman malyan be il kalam il gamil w el 7ekayat el 7elwa ...ana awel wa7da oltilik ...7'aliki fakra :)