عشوائية

أتساءل: ما الذي تفعله امرأة تشعر انها بالصدفة، بالصدفة المحضة، بقيت على قيد الحياة؟ كيف تسلك في الدنيا إن كان وجودها، كل السنين والشهور والأيام واللحظات الحلوة والمُرّة التي عاشتها، فضلَة حركة عشوائية لقدر غريب؟ كيف تسلك في الدنيا؟"


د. رضوى عاشور

Wednesday, May 30, 2007

???!!!!

قعدت أقلب فى موبايلى .. ألف ع الأسامى ... أكلم مين؟ طيب لو أكلم فلانة، ياترى تكون صحيت دلوقتى؟ ولا علانة تكون مشغولة و أتكلم أزعجها؟ ياااااااااه فلان ده بقالى زمن ماكلمتوش .. ياترى عامل ايه دلوقتى؟
د طيب أكلم اى حد أصلاً أقوله ايه؟!!! أقوله إزيك؟!!! طيب ماهيقولوا الحمدلله .. ولما يسألونى برضه هقول الحمدلله ... مين فينا هيفتح فى الكلام و يقول انا عندى كذا وكيت .. و انا طبعا مش هقدر أقول لحد أنا متضايقة ولا بفكر ولا لامبالية .. ماحدش بيقول الكلام ده فى التليفون ............... طيب أكلم مين؟
د حد جه عليه وقت كده وبقى جواه كلام كتير ومالقيش حد يقوله معاه؟
د المشكلة ان اللى على بالى و عاوزه أقوله ............... ما ينفعش يتقال لأى حد .. ولا اى حد
د أنا هسكت أحسن و أروح أشوف شغلى

16 comments:

شيمـــــاء said...

تصدقى احساس وحش اوى
انا كمان الفترة دى
عندى نفس الشعور
:(


بكره ان شاء الله
ربنا هيحلها و تنور اكيد فى يوم
خلينا نقول كده حتى لو مجرد اقناع النفس .. ان الامل مازال موجود

:)

تحياتى

Bella said...

ياااااااااااه

يااما مريت بالاحساس ده

بس تعرفي احسن حاجة ان الواحد يصاحب نفسه ويفضفض مع نفسه ويحكيلها

صحيح الفضفضة ووجود اذن تسمع امر يخفف كثير من الهم والحزن

لكن هناك مالايقال للغير حتى لو كانوا اقرب الناس
وهناك ايضا من إن أأتمنتيهم اليوم ربما يتغيرون وتندمي على بوحك لهم

تحدثي لنفسك اضمن

ربنا يفرج الكرب ان شاء الله

تــسنيـم said...

وده اللي انا اكتشفته يا توتا.. أحبس اللي انا عايزة أقوله وأُعيده إلى حيث خبئته من زمن.. وأمضي في طريقي

Ayat said...

شيماء:

يااااااااارب .. هو وحده اللى بإيدة يفك كربنا جميعا

Bella:
معاكى حق جدا جدا .. كذا مرة تحصل و أرجع اقول كان ايه اللى خلانى اقولهم الكلام ده .. موافقاكى جدا

تسنيم:
ماهو انا مكتشفة دة .. بس أوقات بحس إنى هطق .. ربنا يكرم من عنده بقى

ربنا يكرمكم يا بنات .. حسستونى بألفة و بإنى مش لوحدى :) ربنا يخليكم و يكرمكن جميعا

Anonymous said...

عادي جدا
و والله مش البنات بس
حتي الولاد كمان
كتير أوي بقلب في النمر و بفكر أتصل بحد مش بس عشان عندي كلام معين
لكن عشان بيكون نفسي
أكلم حد و هو يسمعني
بس عشان أتسمع
عموما لما بيحصل و أختار حد
بيكون النتيجة إني أنا اللي أسمع
مش عارف ممكن أكون أنا اللي مبقدرش أفضفض

Ayat said...

محمد:

:)

فاهماك جداً .. كتير فعلا بتحصل إنك تبقى عاوز تتكلم تلاقى نفسك بتسمع .. أصل كلنا فى الهم جماعة .. و على فكرة لو حبيت تفضفض فى أى وقت ... إحنا برضه تحت النظر يافندم ماتشيلش هم لوحدك

;)

Anonymous said...

:)

شكرا يا فندم
بس إيه ذنبك
أصدعك و أوجعلك دماغك

:)

Anonymous said...

hi ana sara ana sebtilik e-maili hab2a far7ana awe law kalmtini ana aslan fre7t awe lama la2etek mohtama shokran gedan...ama benesba llkalam ele katabtih fadi mar7ala bet3adi kter 3alaya el fatra de l2ani mesafra b3ed 3an sa7biti.3'ada. w kaman mafish ay 7ad hena momken akalimo

Anonymous said...

اه حصلتلي قبل كده
و بتحصل كتير
بس ليه مكتبتيش و قلتي كل اللي عايزة تقولية؟
ده التدوين ده نعمة

و انا عايزة اعرف و اسمع
تحياتي

تــسنيـم said...

توتو يا قمر فين البانر اللي أنا قلت إنكم لازم تنزلوه إجبارا وقصرا على مدوناتكم؟؟؟؟؟؟؟؟

ادخلي مدونتي وخدي البانر اللي على إيدك الشمال وارفعيه عندك زي الشاطرة

Ayat said...

محمد:
طبعا اللى بتقوله ده كلام يزعل .. لا صداع ولا حاجة .. بجد لو حبيت تحكى فى اى وقت انا موجودة.

ساره:
:)

سمباتيك:
والله يا أختشى لو كنت عارفة انا عيزة أقول ايه كنت قلت على طول فريرة .. بس انا نفسى مش عارفة كنت عايزة أحكى فى ايه :) ربنا يخليكى ليا.

تسنيم:
والنبى ماحد قالى على اى بانرز .. انا هشوفه حاضر و هحاول احطه عندى ولو انى بطيخة فى الحاجات دى.

ربنا يخليكم ليا جميعاً .. بجد.

الربان said...

تحياتي

أحيانا نمر بنفس الظروف.... بالنسبة لي الحل إما أقرأ القرآن أو ارسم علي ورق اي رسوم او شخبطه...اشعر انني افضل بعدها.

تحياتي و احترمي

... said...

أول مرة ىخد بالى ان فيه
me
تانية غير
me
الاولانية
ياللا حصل خير

المهم
مدونتك جميلة
ولحظة التوهان دى كمان..جميلة
قصدى يعنى جميل تعبيرك عنها
:)

ihapoof said...

hi me

i think it is a matter of trust

no one trust others even if they were friends .. we don't trust that other can understand .. if he understand we don't trust that he could help ..

bas e7na fel 7'edma ya basha ;)

u welcome

Anonymous said...

رغم اني مفروض أزعل من أنك مفكرتيش فيا, بس أنا فاهمة أوي عشان ساعات الواحد بتوصل معاة الحكاية انة مش بس ميلاقيش حد يتكلم معاة..دة ساعات الواحد بيعمل عبيط عشان ميركزش و يتكلم مع نفسةأصل حتي نفسة بتبقي مش مستحملة الجواة

Anonymous said...

دكتور ابراهيم انا منذ وفات امى وانا بتخيل نفسى هموت في اى لحطة ماما ماتت وقعة من الدور السدس اما عينى ومنذ ذلك الحين وانا بحلم بيها وبالحادث كلة ماما ماتت من4 سنوات ولكن انا بخاف من انى اموت زيها انا هتجوز ي شهر7 بس الافكار دى مابتسبنيش انا فيه حاجة غلط ولا دة امر طبيعي ارخو الاجابة