عشوائية

أتساءل: ما الذي تفعله امرأة تشعر انها بالصدفة، بالصدفة المحضة، بقيت على قيد الحياة؟ كيف تسلك في الدنيا إن كان وجودها، كل السنين والشهور والأيام واللحظات الحلوة والمُرّة التي عاشتها، فضلَة حركة عشوائية لقدر غريب؟ كيف تسلك في الدنيا؟"


د. رضوى عاشور

Tuesday, June 19, 2007

أسبوع بسبعة و عشرين سنة

بجد كان بسبعة و عشرين سنة
د
:)
د
فى أول الأسبوع .. يوم 11 يونيو .. رحت الأوبرا .. بعد إنتظار أكتر من سنة .. د
د
قدام المسرح الكبير .. الساعة 8.45 مساء .. و قفنا أنا و صاحبتى الأنتيم نتصور عند النافورة .. بعدها دخلنا المسرح .. وكانت قعدتنا فوق .. عند كراسى الفوتيل لوج .. التكييف ساقع جداً .. بس المزيكا ملتنى دفا .. والصحبة .. كان معانا أصحاب تانيين .. برضه اتصورنا بعد الحفلة كتير .. وروحنا سوا .. انا وصاحبتى .. ضحكنا فى الطريق كتير .. واتكلمنا قبل ما ننام كتير .. والصبح اتكلمنا و ضحكنا ودمعنا .... وسلمت و رحت أكمل بقية اليوم .... د
د
يوم 12 يونيو .. جاتلى مكالمة من صاحبتى اللى بقدرها جدا ... "انا فى القاهرة لو ينفع نتقابل حتى عشر دقايق" ... "طبعاً اكيد، أنا جايه مسافة السكة" ... اتمشينا سوا على النيل .. صحيح الشمس كانت حارقة .. بس الصحبة كانت برد وسلام .. د
كان بقالى سنين ما مشيتش مع حد من أصحابى و احنا ماسكين إيدين بعض .. كنت نسيت الشعور ده .. ما قلتلهاش حاجة .. بس كنت مبسوطة جداً .. رجعتنى لأيام المدرسة لما كنا نتمشى انا و صاحباتى فى الفسحة واحنا "مأنججين" بعض .. حسيت .. انى رجعت صغيرة .. بنت 14 ... مش سبعة و عشرين ..... د
د
و بقية اليوم اتلخص فى مكالمة ... من حد مهم جداً ... عشان توصلنى تهنئة عيد ميلادى قبل أى حد تانى .. و ده كان كفيل طبعاً بإنى أغير التاريخ من 14 لـ 12 يونيو .. د
د
د13 يونيو .............. يوم شغل فى وسط إحساسى با لإحتفال و " المعيلة" طبعاً كان مالوش أى لزوم.... د
د
د14 يونيو.................. هدووووووووووووووووووووووء جميل مفتقداه من زمااااااااااان ... البيت ... أمى .. كل ماتخرج من الأوضه و تدخلها تانى تقولى "كل سنة وانتى طيبة يا حبيبتى" .. و تجهيزاتها للتجمع العائلى المنتظر ... هدووووووء ....د
د
يوم العائلة .. 15 يونيو .. ما بنصدق نلاقى مناسبة عشان نظبط نفسنا نتجمع فيها .. وكله سيب اللى ينفع يسيبه من شغل وعيا و انشغال و غيره .. ويلا نتجمع بقى ... كنت فعلا مبسوطة ... بحس إننا رجعنا تانى عيال صغيرين .. بنلعب فى بيت جدتى .. قاعدين ع السلم نلعب أم و أب .. أو استغماية و كهربا ... القعدة كانت جميلة ... والناس .. و أغنية أبو الفصاد اللى بحبها جداً .... اللّمة حلوة برضه ... د
د
يوم الأصحاب بقى .. أروح ادلع نفسى .. سينما الصبح .. عصابة الثلاثة عشر .. الإسم الـ"الوقيع" لفيلم جااااااامد جداً .. طبعاً مش جامد عشان براد بيت ولا جورج كلونى ولا مات ديمون ولا حتى آندى جارسيا .. لا لا خاااااالص ... بس بجد فيلم جامد فيه إمتاع .. رغم انه طويل لكن ممتع و خرجنا مش حاسين بالوقت خالص .. و بعدها .. حفلة صغنونة بمناسبة عيد ميلادى انا و بنتين صاحباتى .. عملنا دوشة و غنينا و اتصورنا و أكلنا تورتة و ضحكنا ولعبنا "سبين ذا بوتل" و فضحنا نفسنا و احنا واقعين من الضحك ... د
د
كنت دايماً أقول ان احلى عيد ميلاد عدى عليا كان عيد ميلادى الستاشر ... لكن الحمدلله .. بقى الستاشر والسبعة و عشرين ... و لو ربنا كرمنى بكام يوم حلو حوالين عيد ميلادى بنفس المعدل .. يعنى كل 11 سنة ... :) .. يبقى فضل وعدل من عندك يا رب .. أهو الواحد يبقى عايش على أمل حاجة حلوة تحصل فى مناسبة .. مش دايماً بتبقى حلوة .....د
د
ربنا يخليكم جميعاً يا كل اللى فرحتونى وشاركتونى و افتكرتونى .. و كل الناس الجميلة جداً اللى سابولى تعليق فيه "كل سنة وانتى طيبة" بجد انا طول الأسبوع ما حسيتش إنى وحيدة ولا عصبية و لا كل المشاعر اليومية المعتادة ... د
د
د
أسعدتم أياماً فى حياتى ... أسعد الله جميع أيام حياتكم
د
د

8 comments:

nesrina said...

Happy Birthday sweetie, now I know when exactly it is.
Glad u had a nice week my very dear Gemini friend and sorry for not calling as I knew about it when it was late.

ME said...

*Nesrina:

No problem sweetie :) it means the world to me coming from you at anytime .. and you're not late at all, you did tell me on the same day btw, on the wall i mean :)

تسـنيم said...

ربنا يسعدك ويفرح قلبك ,, ويارب شنطة ذكرياتك الجميلة تتملى للأخر يا توتو..

شغف said...

عاجبني جدااا روح التفاؤل و الاستمتاع اللي في بوستاتك اليومين دول

يا اااااااااااا رب دايما

محمد said...

يا رب ديما مش بس في أيام العيد ميلاد
لكن كمان في كل أيامك
تكوني سعيدة و متفائلة كده

ME said...

*تسنيم:

وربنا يسعد كل أيامك انتى كمان و كلنا يارب

شغف:

:) ............يارب

محمد:

ربنا يسعد أيامك و يملاها راحة بال ... يارب انت و كلكم و انا و كل الناس يارب

عـلا - من غـزة said...



انا فاكرة اني علقت هنا

:s

كل سنة وانتي طيبة يااارب واسفة على التأخير

:)

احلى تدوينة عن عيد ميلاد اقرأها بجد

تحياتي وسلاماتي

Anonymous said...

hi ana sara ana far7ana awe inik 7asiti kol el far7a di w kol sana w inti tayiba tani ya siti wala yehimik..te3rafi ini 3omri ma e7tafalt be 3ed miladi ma3a ini bab2a mestanya el yom da awe w bb2a nefsi mama tesa7ini mn el nom t2oli kol sana w inti tayiba bas heya mabeteftikish abadan wala ay 7ad beyeftikir ela ..3'ada ..w mara heya kaman nesyet 3ed meladi mesh adra a2olik fi el yom da ana kont za3lana ezay ma3a ini mardetsh abayenlaha bas heya kanit 3arfa ini za3lana w kanit za3lana awe mn nafsaha w a3adit tesale7ni w t2oli ini ana ili 3'altana ini mafakartahash..ili asdi a2olo ini nifsi awe a2om mn el nom yom 3ed meladi a7es in kol el donya bet2oli kol sana w enti tayiba