إلى ... د
د
أبويا ... اللى وحشنى أوى ... د
د
أمى .... اللى بتشاركنى دنيتى .. واللى من غيرها ما اسواش حاجة .... د
د
أختى ... أميرة ... اللى مش من دمى ولحمى .. لكن حته منى .... د
د
إبنتى ... مروة ... اللى ماخلفتهاش - وعمليا ما ينفعش أخلفها - لكنها فعلا بنتى بكل المقاييس الإنسانية .... د
د
أختى ... أمانى ... اللى بعدتها عنى الغربة ... وقبلها بعدتنى عنها الظروف .... د
د
أختى ... شيماء .. اللى تشاركنا فى دموع و أحزان و إمتحانات و خروجات و و و و و .... د
د
أحبابى ... صديقاتى .. أمينة و روضه و ياسمين و شيماء و أروى و أسماء ... اللى بجد من أحسن البنات اللى عرفتهم و هعرفهم ... اللى كأنهم صاحبات العمر .. وكأننا من زمان و من إحنا عيال بنعرف بعض ... كلنا و شربنا و فرحنا وضحكنا و دمعنا مع بعض ... د
د
أهلى ... اللى من غير لمتنا مع بعض ... الدنيا بتوحش أوى ... د
د
و معاهم .... د
د
زمايل الشغل القديم .. والجديد .. و أصحابى اللى ملوا فضائى السايبرى و خلوه مليان بروحهم الحلوة ... د
د
و معاهم ... د
د
كل مكان بحبه .. وكل شارع مشيته .. وكل طله على النيل ... و كل نسمة هوا حلوة ... و كل ضحكة طلعت من قلبى .. او غصب عن دموعى .. و كل صورة أخدتها مع حد من الناس .. أو فى مكان من الأماكن .... د
د
و معاهم .... د
د
كل حته مزيكا حلوة .. لعمر خيرت .. و بيتهوفن ...وكل فيلم خلانى أعيط .. أو خلانى أضحك أو حتى أخاف ....د
د
و معاهم ... د
د
كل كلمة إتعلمتها .. جبيتها أو كرهتها ... مش مهم ... د
كل كتاب قريته .. عجبنى أو ماعجبنيش .. مش مهم ... د
و معاهم ... د
د
كل حد عدى فى حياتى ... طول أو ماطولش ... كمل أو ما كملش .. إستحمل أو ما استحملش .. كان أمين أو حتى خاين .. كان غصب عنه ولا قاصد ... كان مظلوم أو معاند .... د
د
و معاهم .... د
د
اللى مستنياه .. من سنين ... و يا خوفى لتطول السنين عن كده .. بس انا متأكدة .. إنه معايا .. هناك او هنا .. أكيد معايا و حته منى ... حتى لو مش هنا ودلوقتى ... معايا ... د
د
إلى ..........د
د
كل دول ... كل الناس والأماكن و الحاجات ...... د
د
و بعد يوم ... على ميلادى ... و كلهم معايا .. فى أحلامى أو فى يومى أو أمنياتى .. او صور قديمة بهتت .. د
د
لكل دول .... إفتكرونى أو ما افتكروش .. كلمونى أو ما سألوش ... مش مهم .... د
د
أنا فاكراكم ... كلكم ... كلكم أنا ... د
د
و عشان كده ... هقولكم .. كلكم ... د
د
كل ثانية .. وكل ساعة .. وكل يوم .. وكل شهر .. وكل سنة ... فى الـ27 اللى عدوا .. و يمكن ييجى زيهم كمان ... د
د
كل دول .... يا كل دول .... د
د
و أنتوا طيبيبن ............... د
د
د 
10 comments:
كل سنة وانتي طيبة .. جميلة المشاعر دي
كل سنة وانتي طيبة نفسك يا قمرايا
حلو اوووي اسلوبك في كتابة البوست ده بالذات
قبلاتشي
هتخليني اعيط علي اخر الليل كده؟
مش عيب
:-)))))
هانت كلها بكره بس
وبعده
واللي وعدني هيوفي بوعده
كل سنه وانتي ست الهوانم
hi ana sara kol sana w enti tayiba ...w 3o2bal el sana ili gaya ana lisa 3arfa 7alan lama da7'alt hena .ma3lish gat met2a7'ara
كل سنة و إنت طيبة و بخير و ديما سعيدة إنت و كل الناس اللي كتبتي عنهم
mesh 3ayez ab2a rotine w 2ool
"kol sana wenti tayeba !!"
bas .. " Kol sana wenti Far7ana "
ISA
هابي بيرز داي تو يووووو
شات شات شا
*abd el rahman:
و انت طيب :) أشكرك
*تسنيم:
وانتى طيبة يا حبيبتى .. ربنا يخليكى ليا
*Shimaa:
ربنا ما يجيبش عياط .. والوعد كان أجمل وعد يابنتى .. ربنا ما يحرمنيش منكم أبداً
* Sara:
ولا يهمك طبعاً .. كفاية إنك موجودة :)
*محمد:
و إنت طيب .. و ربنا يحقق لك كل ما تتمناه يا رب
:)
*ihapoof:
و انت فرحان و طيب وبخير و فى راحة بال يارب :)
أكتب بالرصاص:
:D
ياااه انا اسفة اوي يا ايات :(
كل سنة وانتي طيبة يااارب
انا مقصرة جدا ومش عارفة اعمل ايه في اليوم اللي بيطير طيران ومش بلحق اعمل حاجة
:p
كل فقرة من البوست عجبتني اكتر من التانية
ربنا يسعدك ويفرحك على اد ما في قلبك حنان وطيبة تبان من بين السطور
تحياتي وسامحيني على التأخير
* علا:
:) آسفة على ايه يا حبيبتى ولا يهمك أبداً .. انا مقدرة و كفاية انى آجى على بالك فى اى وقت :) ده عندى بالدنيا .. وجودكم معايا غالى عليا أوى
Post a Comment