الناس فعلاً ممكن يكونوا فتافيت الماس .... و أوقات ممكن يكونوا كلمه ما يصحش الواحد يقولها خالص
مش عارفة إيه سر إهتمامى بالناس ... أوقات بيجننونى ... وأوقات بيبهرونى .... و أوقات و أوقات.
ناس منهم كانوا أصحاب عمر ... وناس منهم لسّه أصحاب العمر .
ناس راحت وناس جت ... واللى راحوا ما اتبقاش منهم غير شوية حاجات .. كلمة يمكن ... أغنية جايز ... مكان ... حاجة اتعلمتها منهم .. أو حاجة علمتهالهم ...
عشان كده هكتب عن كل حد ممكن أفتكره هنا .... هكتب اللى افتكره منه أو عنه... هكتب سابلى إيه قبل ما يمشى أو كان نفسى يسيب إيه.
أو يمكن اكتب عن الشخصية نفسها ... على الأقل اللى شفته وفهمته من الشخصية دى .. مواقف حصلت ما بينّا
ممكن يكون موضوع لطيف، وممكن يكون دمه فى تقل دم جورج بوش، بس أهى حكايات لناس من ضمن حياتى اللى هكتب هنا عنها.
3 comments:
يمكن جت متأجرة .. لكن ..
بعد قراءة اكثر من موضوع في هذه المدونة اللطيفة
تقدري تقولي..
البت دي بتتكلم صح
طالما جابت سيرة دراع مرسي يبقى بتتكلم صح
:)
كنتى باتتكلمى زى الفل لحد ما خوضتى فى سيرة الاشراف ليه كده يا بنت الناس ليه تجورى على شعب بحاله بسبب لسانك ده ربنا يستر و محدش من البيت الابيض يقرا الكلام ده
hi ana sara enti 7ekayatek mesh damaha i2il wala 7aga bel3aks de gamila 7'alis w ana ba7eb a2raha
Post a Comment