فى المكتب شغلوا شوية أغانى تونسنا .. و جت من ضمنهم أغنية عايدة الأيوبى "صدفة" .. أغنية رقيقة جداً .. و أنا بغنى مع الأغنية .. و لما وصلنا للحتة اللى بتقول فيها: د
د
و حكـايتنـا .. زى حكـايـات الأحبـة .. لا دمـوع ولا خصـام يـفرق قـلوبنا
و لو أقـابلـه .. أقـابلـه تــانى ... صدفـة
هغنـى الحكـايـة .. هغنيــها من أولـهـا
د
د
لقيت الدموع جاية جرى على عنيا!!!!د
مش عارفة ليه؟!د
.يا ترى ليه؟
17 comments:
مين عايدة الايوبي دي ؟
Sharm:
مين بقى عمر الشريف؟ D:
عايدة الأيوبى كانت شابة رقيقة الصوت و الملامح .. اصدرت البومين تقريباً واحد إسمه على بالى وده اللى فيه الأغنية اللى انا تكلمت عليها دى .. والتانى اسمه من زمان .. والإتنين أنا بحبهم أكتر من بعض .. بالحق ليه يا Sharm مش بعرف أفتح البلوج بتاعك؟
تحياتى
hi me .. (enti esmek eh sa7e7?)
just say hi ..
kol sana wenti Valentine ;)
وانت فالنتين يا إيهاب :) بس مش فالنتينو ;)
فكرة رائعة.. عايدة الأيوبي في سهرة زي دي تبأة اختراع.
يمكن علشان مش بتقابليه الا صدفة
عمري ما احتلفت بالفلانتين بس يمكن لو عدي علي فلانتين احتلفت بيه اعرف سبب الدموع في فلانتين بعده من غير ما احتفل بيه
اخص عليكى.. بقى هو ده بس الىل افتكرتيه فى الفالانتايخ اخى اخى اخى
.. مش هفسحك تانى فى الفالانتاين يا خاينه.. كده تنسينا انا والعيال وتفتكرى الدموع!!!!
في شاعر فرنسي كان بيقول
"C'est bien la pire peine
De ne savoir pourquoi
Sans amour et sans haine
Mon coeur a tant de peine !"
و ترجمة ده تقريبا
ما اكبر حزني
و انا لا اعلم
لماذا من غير حب ولا كره
قلبي يشعر بتلك الالام
تحياتي
*mahmoud:
هى صحيح ماكانتش سهرة وكنا فى الشغل :) بس عايدة الأيوبى فعلاً أغانيها إختراع .. تحياتى يا فنان.
*volcano:
مممممم .. لا هو عشان ماقابلتوش خالص من أصله :) .. مبروك المدونة الجديدة
*كبير المتشردين:
خطوة عزيزة يا فندم .. هو يمكن عشان انا كمان ماحتفلتش بيه فدمعت على حظى الهباب؟!! لو احتفلت انت بيه ابقى قوللى الله يكرمك .. تحياتى
*AZ:
يابنتى ده كان الصبح .. بالليل بقى كان الإنبساط كله .. هو انا معقول اشوفك وابقى زعلانة يا حبى :) .. ربنا يخليكوا ليا ..
*Nada:
اللللللله ... حلو أوى .. بجد وصفتى اللى انا حاساه .. جميل يا ندى .. انا برضه بقولهم اروح اتعلم فرنساوى .. بجد كلامك جميل :)
تحياتى للجميع .. بجد نوروتونى و أسعدتونى .. فى أمان الله جميعاً
مي
بما ان الكلام الفرنساوي عجبك انا كنت بعثلك المرة اللي فاتت المقطع الاخير من القصيدةاللي هو 4 و بعدين دخلت بعثلك المقطع الاول
بس الظاهر التعليق ملزقش؟؟
و لا ممكن بعثو لحد ثاني
دي تبقى نكتة؟؟
المهم اهو يا ستي المقطع الاول مع ترجمتي المتواضعة جدا
Il pleure dans mon coeur
Comme il pleut sur la ville ;
Quelle est cette langueur
Qui pénètre mon coeur ?
يبكي في قلبي
كما يمطر على المدينة
ماهذا الشجن
الذي يجتاح قلبي؟
شفتي التشبيه جميل ازاي؟
بعدين ابقى ابعثلك المقطع الثاني و الثالت
علبال ما اترجمهم
تحياتي
فكرتني بأغنية خالد الذكر
طيب الله ثراه
شعبان عبد الرحيم
بحب الحمار
بجد مش هزار
يا سيدي عليه في العاطفي والحزين
فعلا الدمع بيجري لما اسمعها انا كمان
شكرا لك انك فكرتينا بالعظماء
الايوبي
والشعباني
كل سنة وانت طيبة
:))
يا ريت بنعرف نغني تاني من الاول
Nada:
القصيدة جميلة أوى .. بجد معبرة .. أشكرك وياريت لو تلاقى من النوعية دى تانى، إبعتيلى منها على طول :) شكرأ يا جميلة
أكتب بالرصاص:
P: ... مش هرد عليك
إبيتاف:
فاهماكى أوى .. ويمكن أنتى الوحيدة اللى فهمتى قصدى .. بس هى تيجى الصدفة ويبقى الغنا ييجى على مهله ياستى .. سعيدة جداً بمرورك عليا :) .. تحياتى للجميع
ايه الاحساس العالى ده انتى كنتى مسكناه برج التجارة ولا ايه طبعا عايدة الايوبى من اجمل المطربات اللى بيملكوا الاحساس و تصحيحا لمعلوماتك هى اصدرت 3 البومات مش اتنين و الاخير اسمه رفيق عمرى
الصديق اياااه
معلش فى حاجة نسيت اذكرها و هو السؤال اللى سألتيه تفتكر ليه؟
من غيرافكار هى حاجة من اتنين اللى نفسك تقابليه تانى صدفة شخص تلاقى فيه الاب او
شخص كنتى شايفه فيه الحبيب و الاب
لكن الايام كالعادة فرقت
hi ana sara as3ab yom fi el sana benesbali yom el valentine aktar yom ba7es fih bel we7da l2an kol as7abi w kol el nas ele 7awalaya byb2o 7'arago ma3a 7abayebhom w ana bb2a a3da fi el bit 3amla mandaba ...w mestanyahom yego y7koli 3ashan amot aktar
Post a Comment