وده التاج الثانى اللى هادتنى بيه الغالية شغـف: د
د
د
خمسة أشياء لا يعرفهم عنى أحد .. طبعاً بعد بحث وتمحيص .. وبعد كم الرغى الشنيع اللى قمت بيه فى التاج الأولانى ماعتقدش إنه بقى فيه أى حاجة ماحدش يعرفها عنى :) د
د
د
- عن السفر ... أهم سبب مخلينى نفسى أسافر، غير الحالة المريعة اللى وصلتلها البلد والكلام اليائس اللى معظمنا عارفه، فيه سبب تقريباً ماحدش يعرفه .. واللى سمعونى بقوله قبل كده أعتقد إنهم بيفتكرونى بقوله من فرط زهق أو ضيق .. مش بييجى على بالهم إنه بجد ... نفسى أسافر عشان تبقى الغربة مفروضة .. وألاقى لنفسى عذر و أنا حاسه بيها ... عشان كل الحاجات وكل الناس اللى بيعتبرونى "شىء" موجود دائماً كأمر مسلم بيه يعرفوا إنى أقدر أغيب وأبقى مش موجودة .. و إنهم مش هيلاقونى وقت ما آجى على بالهم و ينسونى وقت ما ييجى على بالهم. د
- عن الخوف .. عندى فوبيا من النار و الكلاب .. لا يمكن أولع عود كبريت مهما حاولت أو حاول حد يقنعنى .. مرة حاولت أغصب على نفسى أولع عود جالى ضيق تنفس و كنت على وشك يغمى عليا .. و لما فكرت فى إنه ممكن ييجى كلب يشمشم فيا كنوع من التفتيش وحاولت أعيش نفسى فى حالة من الإقناع بإنه مش موجود، فضل قلبى يدق يدق بسرعة جداً وبالتالى مابقيتش عارفة أتنفس .. بخاف من الحاجتين دول للدرجة دى. و كمان أكتر قصة أو فيلم ممكن يرعبنى أو يخلينى مشدودة تماما قدامه وماهزرش ولا افتح بقى بكلمة، اللى يكون موضوعه بيتكلم عن بيت فيه "وجود" أو "حضور" ما للبيت نفسه .. عندى قناعة إن البيوت لها شكل ما من مفهوم "الروح" و بخاف من فكرة إنها تكون روح شريرة أو قلقانة. (مخاوف تفطس من الضحك طبعاً :))د
- عن الوسواس .. دايماً تيجى فى بالى صورتى وأنا بتكعبل فى حاجة و أقع، ممكن فى سِلمة ميكروباص أو سِلمة عادية أو عتبة باب أو أى حاجة فيها نقل خطوات من تلقائية لخطوة محسوبة لطلوع أو نزول أو أو .. و أبقى شايفة نفسى و أنا بقع و رد فعلى بعد الوقعة .. و أبقى حريصة زيادة عن اللزوم إن ده ما يحصلش لأنى ببقى متخيلة تفاصيل الوقعة و ألمها وكل حاجة .. ومافيش ولا وسواس من دول حصل لغاية دلوقتى الحمدلله بس مش بعرف أطرد الصورة دى من راسى. (و الدنيا ما مجنونة .. مجنونة نونة ما مجنونة:)) د
- عن الوحدة ... عندى شبه قناعة .. شبه يقين ... إنى هموت لوحدى .. وماحدش هيمشى فى جنازتى لأنهم هيعرفوا إنى مت بعدها بمدة ... و مش هيكون ليا عيلة ولا أولاد ... تصورى عن حياتى اللى جايه إنى هبقى "طنط توتة صاحبة ماما دى زى السكر و صاحبتنا موت ومش بنحس إنها أكبر مننا كتير، بتهزر وتضحك وكوول مش زى أهالينا المعقدين" ... لكن مش هبقى من ضمن الأهالى دول .. وعشان كده هموت لوحدى :) د
- عن الحـب ... رغم إنى لبست دبلة مرة و إتقرت فاتحتى مرة .. إلا إن الإنسان الوحيد اللى حبيته فعلاً و لسه بحبه و مش قادرة أحب حد غيره ... تقريباً لسه ماتخلقش على الأرض!!! د
د
و كفاية كده عشان ماتتأكدش عندكم فكرة إنى رغاية ...... مع السلامو عليكو :) د
7 comments:
Me
ههههه تقريبا لسة متخلقش
الحمد لله انو باقية تقريبا دي نلعب فيها على امل انو خلص مخلوق بس مختفي
ربنا يسعدك ان شاء الله
تحياتي
لسه م اتخلقش ؟
انت عايزة تتجوزي عيل من دور احفادك والا ايه ؟
بانسبة للكلاب...
ليه الخوف ده كله
الكلاب ما بتعملش حاجة غير انها بتهبر
والهبرة منها ..يا سيدي ا سيدي
لا يضاهيها ألم إلا ألم عود كبيرت مشتعل بيحرق الايد
فا ليه الخوف بقا ؟
Nada:
أيوة .. فهمتينى يا ندى .. ربنا يسعدنا جميعاً يارب :)
أكتب بالرصاص:
لا هو شكله مش هيتخلق اصلاً :) وبعدين خوف ايه يا راجل..حد جاب سيرة الخوف خالص .. :) تحياتى
you seam to like scarry movies so I couldn' imagine No 3 the fear of haunted houses.
you make me laugh with your cute comments by the way.
nice post.
hechkok:
thnx, i really do love horror movies, and i consider it really "horror" when it involves houses with a presence of its own, not just haunted, got what i mean? i'm honored by your visit and comments always :)
ikra enti mesh lwa7dik ana kaman dayman bafakar eni hatka3bil w a2a3 2odam el nas w ba3esh el mawkef da awe w ba2ol ana ha3mil eh hayb2a shakli zebala ..ama 3n el 3ela ana dayman 7asa eni mesh hatgawez w law etgawezt mesh ha7'alif ...ama 3n el7'of fa ana ba7'af anam w mafish 7ad sa7i fi el bit ...w 3n el safar ana delwa2ti mesafra 3an 3'ada sa7biti eli bgad mesh 3arfa a2ol 3anha eh 3'er eni momkin a3mil ay 7aga 3ashan 7'atirha heya kaman bent 7'alti w 7'atibit a7'oya el kibir w msafra 3an kol el nas ele a3rafhom ..bas mansa7kish l2anohom hayw7ashoki awe w hatshofi ayam aswa bektir ...el mohim enti 7ad gamil awe w kol el 7agat di tabi3ya gedan mate2la2ish ...salam
ana sara eli 2olt el kalam eli fat da
Post a Comment