عشوائية

أتساءل: ما الذي تفعله امرأة تشعر انها بالصدفة، بالصدفة المحضة، بقيت على قيد الحياة؟ كيف تسلك في الدنيا إن كان وجودها، كل السنين والشهور والأيام واللحظات الحلوة والمُرّة التي عاشتها، فضلَة حركة عشوائية لقدر غريب؟ كيف تسلك في الدنيا؟"


د. رضوى عاشور

Thursday, May 24, 2007

حكايات من/مع الناس

أول حكاية: د
د
كانت من أكثر اللحظات إضحاكاً و إمتاعاً وانا قاعدة بتفرج على زمايلى فى المكتب وهما منفعلين اوى و محموقين جدا وكل واحدة عروقة نافرة فى قورته و شه احمر و عمالين يتجادلوا ويعايروا بعض على أى فيهم أفضل
د
د
الأهلى ولا الزمالك
د
د!!!!!!!!!!!!!!!!! د
د
بجد بقيت عمالة أتفرج عليهم وهما منفعلين ومندمجين فى المناقشة .. اللى يبص عليهم من غير مايسمع الحوار يقول بيناقشوا قضية ولا بيتكلموا فى السياسة .. واللى يضحك انهم بقوا عمالين يأكدوا لى انهم معتدلين جدا فى تشجيعهم للناديين غير ناس تانية كتير متعصبين فى التشجيع ... وعشان يدونى امثلة على التعصب ده .. حكوا لى عن واحد زميل فى العمل بس انا ماعرفوش أغمى عليه فى مرة بعد نتيجة سيئة لنادى الزمالك عشان هو زملكاوى
د
!!!!!!!!!!!
د
طبعاً انا بسمع و أقرا فى الجرايد ما هو أكتر..اللى بتجيله ازمة قلبية و يفيص فى ماتش و اللى بتجيله جلطة وما شابه يعنى..لكن برضه مش بقدر أفهم إزاى الواحد يعمل فى نفسه كده على حاجة هو مش كسبان من وراها شىء..يعنى لا هما بيلعبوا ولا هما هيكسبوا ولا ناقة لهم ولا جمل فى الليلة دى كلها..طيب محروقين اوى كده على إيه يا إخوانا؟!!!!
د
********************
د
تانى حكاية: د
د
بيتهيألى معظم الناس دلوقتى عارفة موقع "فيس بووك" ... إللى إكتشفت إنه حاجة معروفة كده زى ماى سبيس وهاى فايف و ما شابه من مواقع يعنى. الموقع فعليا ظريف، مسلى، و كمان ممكن يكون مفيد فى حالة إنه يستخدم صح..زيه زى اى حاجة يعنى. اللى لفت نظرى بقى بعض من الناس الموجودة على الموقع ده. وانت بتلف كده وبتتفرج..تلاقى صور بروفايل بتاعة ناس تخض .. تخض ليييييييه؟
د
لأنها بصراحة بتدى إيحاءات غير شريفة بالمرة. إللى واخده بوز ع النايم زى الوزة نانا رمز الفضيلة فى العالم العربى حالياً، و اللى متأوده يمين ولا شمال، وإللى أصلا طالعة فى صورة حاضنة واحد. والأظرف بقى واحدة حاطة صورتها مع بنتين أصحابها فى وضع قطر بياخد فرملة جامدة فعربياته "لزقت" فى بعضها !!!!!!د
د
يا حلاوة يا ولاد !!!!!د
د
والشباب برضه و غلاوتكم .. إللى طالع لى فى صورة بهوت شورت .. بس ..!!!!!د
واللى طالع فى صورة توبلس برضه و باين جنبه ضهر واحدة شكلها لابسة مايوه تو بيسز .. و اللى طالع ماسك فى ايده كوباية مطيولة فيها سائل غامق ليس ببيبسى كولا و لكنه غالبا يحمل ماركة أجنبية برضه بس أغلى ثمناً و اوقع تأثيراً !!!!! د
د
بقيت أتفرج و انا مسخسخة ضحك .. يا حلاوة بلدنا يا ولاد والله .. امال عمالين يقولوا نشجع السياحة الداخلية وبتاع ... ماهى شغالة الله ينور أهى .. و نورت مصر عمل شغل عالى مع الناس اهو وكلهم سمعوا كلام الست يسرا و الأستاذ خالد النبوى أهم ..د
د
طبعاً هى رجعية و تأخر و تخلف - كمان بالمرة - منى .. يعنى ايه المشكلة فى الناس اللى قالعة ع الآخر ولا واخدين بوزات ذات إيحاءات مغرضة ولا بيشربوا مش عارفة إيه؟!! ماتخليكى فى حالك يابنتى ..... د
د
إنما اللى فكرت فيه هو قد إيه مجرد صورة اتنين سم فى سنتى و نص تقدر تعبر عن طريقة حياة بنى آدم و طريقة تفكيره ... سبحان الله!!د
د
*********************
د
تالت حكاية: د
د
برضه من "فيس بووك" .. فيه جروبات - جمع جروب - على الموقع ممكن الواحد ينضم لها تكون بتناقش أو مهتمة بحاجات الواحد مهتم بيها او عاوز يتكلم فيها وكده يعنى. هتلاقى جروبات قراية وكتب ومكتبات، وجروبات بتاعة مغنيين و أغانى، شعر وشعراء وكُتاب، و هلم جرا.د
د
اللافت للنظر إنى لقيت فى أحيان كتيرة ناس مشتركة فى اكتر من 70 جروب او 80 والله اعلم يمكن فيه أكتر بس دول اللى عدوا فى طريقى. طبعا شىء لطيف ان الواحد يكون متعدد الإهتمامات و كده ... بس اتابع انا إزاى 70 جروب؟ 70 إهتمام؟ دانا فى 13 جروب ومش عارفة أقللهم إزاى عشان بضايق إنى مش عارفة اتابعهم كلهم بنفس الإهتمام... بس اللى بيصبرنى إن فيهم جروبات بتنقل أخبار مكان او مجلة فمش ضرورة ملحة إنى اتابعهم بنفس التكرار. د
د
اللى فكرت فيه بقى .. هو للدرجة دى الإنسان مهتم إنه ينتمى لحاجة؟!! يعنى مهم إنه يقول انا منتمى لجماعة كذا و جماعة كيت؟ حتى لو ماهواش عضو فعال فى الجماعات دى؟ حتى لو مالوش تأثير؟ بيكفيه يعنى إحساسه بعزوة ناس حوالية تحت نفس المسمى؟
د
سعى دؤوب للإنتماء .. طيب على إيه؟ ولما إنتميت، عملت إيه؟ قدمت حاجة؟ عملت فرق؟ ولو خرجت من الجماعة دى لأى سبب، حد هيحس بيك؟ هتفرق مع حد؟
د
و ..................... مش هى دى برضه الدنيا؟
د
****************************
د
رابع حكاية: د
د
مسكت نفسى من الضحك بالعافية .. لما لاقيت "شخص ما" بعد ما جه يبوس القدم و يبدى الندم .. ويقول ليت "الصداقة" تعود يوماً .. و "أصلك من أحسن الناس اللى عرفتهم فى حياتى" ومش بس كده، لأ .. "إنتى صديقة لا تعوض فعلا و انا إفتقدت صداقتنا المدة دى كلها" .. وكل الكلام اللى زى الفل اللى بيتقال فى مواقف "العودة" دى ... و اللى طبعاً مالوش اى قيمة و لا أساس من الصحة .. بس أصلى ما بحبش أكبس حد .. ماشى يا "شخص" اهلا وسهلا و كتر خيرك .. د
د
اللى كان هيوقعنى ضحك بقى إنى لاقيت "الشخص" ده ندمان على إبداء الندم، وبيحاول يستخبى ورا الشجرة الميتة اللى مافيهاش ورق، بيتهيأله انى مش هشوفه و هو بيحاول يستخبى منى، ولا يعنى هجرى وراه و أقوله " قفشتك يا عفريت" ... د
د
لما إنت مش قد الكلام بتقوله ليه؟ و كنت جاى فى ايه و رجعت فى ايه؟
د
فكرك هزعل؟ لما انا مافرحتش بالعودة . .يبقى إيه هيزعلنى من الغياب؟؟
د
و أفكر .. هى الناس بتجيب الغباوة دى كلها منين؟؟؟ وبعدين لو هما أغبياء .. ليه بيفترضوا فى بقية الناس الغباوة برضه؟؟ ولا كل واحد على قد عقله؟ انا شكلى هفطس من الضحك دلوقتى ........... د
د
******************************
د
حد فاهم حاجة؟؟؟ لو حد فهم حاجة يقولى والنبى لحسن انا مش فاهمة ... وبالمرة .. حسبى الله ونعم الوكيل فيك يا عزت يا عطيه .. ربنا يورينى فيك يوم و يكون فى الآخره مش فى الدنيا .. قولوا آمييييييييييين. د

6 comments:

Anonymous said...

hi ana sara ana far7ana awe in ana awel wa7da hakteblik ra2yi ...awalan ana lesa gdida 3andik bas aritlik 7agat kter ente gamda gedan w ara2ik faze3a ana 7abit a2olik ini bgad lama aritlik 7agat 3'ayarit fiya gamid ..enti 7'alitini ensha2 alla ha3mil 7aga kan nifsi a3milha awe ..el mohim eli enti 2oltih da kolo ana mewaf2aki 3ali 7'asatan l2an mn esbo3 gatli da3wa 3ala facebook da w da7'alt w fe3lan kol el kalam eli enti 2oltih da ana 2olto ...ana mesh 3ayza atawel 3alashan mab2ash re7'ma bas ana kan nefsi a2olik eni yarit ab2a zayik keda ...yarit neb2a as7ab ..bas ana hotmail w enti gmail yaret neb2a as7ab asl ana msafra b3ed 3an kol as7abi w ma3andish ay 7ad hena ...salam ba2a ana ma3lish 3ala kol el ra3'y da

Ayat said...

Sara:

please send me your E-mail ...

أُكتب بالرصاص said...

يا صباح الخير

أولا

الحمد لله على سلامة ايديك

متهيألي كانت في الجبس او ماشابه
لانك بقالك كتير ماكتبتيش
فا حمدلله على فك الجبس
:)
ثانيا
بالنسبة للاهلى والزمالك
انا مش عارف برضه التعصب الاعمى دا
يعني راجل كبير وبشنبات
ويسخسخ علشان الماتش
دي نصيبة ايه دي

وكمان اللي يغيظني اللي ياخد ابنه الصغير معاه الاستاد ولما الكاميرا تقرب منه يشيله زي شوال الطحين علشان يطلع في الكاميرا

بالنسبة لموقع
بووك فيس
انا مش باحب الموقع دا مع اني مسجل فيه
لاني مش عارف احط فيه صورة تعبر عني
لاني ماعنديش هوت شورت
كما اني مش انترتستينج اعرف الكثير عنه
بس لو مافيهاش سقالة
كلميني اكتر عن الوزة نانا
:)

عزت عطية
دا راجل محترم جدا

واخيرا

عودا حميدا

Ayat said...

أكتب بالرصاص:

صباح الورد يافندم
:)

طبعا بعد الشر عليا انا ماتكسرتش ولا حاجة

أما عن نانا فتقدر حضرتك تفتح قناة ميلودى فى اى وقت هتشوفها و تقدر تعرف عنها "كل حاجة" بالتفصيل كمان
;)
و كويس انك مش حاطط صورة لنفسك على فيس بووك سواء بالهوت شورت او حتى الشورت الشرعى عشان تدى لبقية الشباب فرصة .. جعلك الله سندا لإخوانك القالعين :)

Anonymous said...

hi ana sara ana asfa awe 3ala el ta27'er ana e-maili aho ....wide_black_eyes@hotmail.com ana far7ana awe enik ehtamiti shokran ana hastanaki ...salam

Anonymous said...

لا تأسفن من الدنيا على أمل

فـلـيس باقيه إلا مثل ماضيه