يا رب.. انا تعبت.. مش لاقية معنى لكل ده.. 

فين المفر؟ أروح فين؟ أمشي في أي اتجاه؟! 

هو انا مكبرة الموضوع، وواخداه على اعصابي زيادة زي ما الناس بتقول؟ 

ولا هم اللي معدومين المبادئ؟ 

لو كان الدرس المقصود إني أتعلم ان الفلوس ما تساويش حرقة الدم، فأنا اتعلمت وعاوزة أقلب الصفحة بقى..

لو كان الدرس اني أصبر.. مش عارفة! ساعدني... 

لو كان وجودي هناك لسبب، وريهولي.. عرفني انا هناك ليه.. 

مش عاوزة أظلم حد يا رب.. مش عاوزة أساعد في ظلم حد.. 

انا عارفة ان لا يمكن تحملني ما لا طاقة لي به.. بس وريني الطريق منين.. أمشي ازاي.. 

دلّني يا رب.. دلّني..