عشوائية

أتساءل: ما الذي تفعله امرأة تشعر انها بالصدفة، بالصدفة المحضة، بقيت على قيد الحياة؟ كيف تسلك في الدنيا إن كان وجودها، كل السنين والشهور والأيام واللحظات الحلوة والمُرّة التي عاشتها، فضلَة حركة عشوائية لقدر غريب؟ كيف تسلك في الدنيا؟"


د. رضوى عاشور

Sunday, September 10, 2006

لازم أعلق بصراحة

معلش يا كل ليلى هعلق على حاجة برة همّنا .. قصدى موضوعنا
فى شغلى إللى انا فيه دلوقتى علينا تفتيش - مازال ودياً - من أمن الدولة
ولسه دلوقتى ماشى من عندى مبعوثهم .. كان متعور .. بقوله سلامتك، قالى حادثة موتوسيكل .. قلت له آآه مش متبع تعليمات المرور ومش لابس خوذة .. قالى : دى كانت مأمورية وكنا مستعجلين ومافيهاش تعليمات مرور
ولم أستطع منع عقلى من التفكير قائلاً: عملتوا إيه فى مين وربنا خلصه منكو فى ساعتها؟

10 comments:

salateenoo said...

أكيد كانت مهمتهم انهم يروحوا يوصلوا ورق لمكان معين ....وهمة ماشيين بالمرة يدوسوا على كام بني آدم ....يعني لزوم الترفيه ....عشان المشوار ميبقاش ممل

Ayat said...

يلا أهو كله طلع على جتتهم :)

الأميره أوسه said...

ربنا ينتقم من الشرطه
شوفتى عملوا أيه فى محمد بتاع حادثة بنى مزار وتعذيبهم لأهله وبخاصة البنات وتهديدهم بأغتصابهم بعد منزعوا هدوم البنات والستات
أوعى تتجوزى ضابط شرطه

Ayat said...

أتجوز ظابط شرطة؟!!! يا ساتر يارب توفى من بقك يا شيخة ... ربنا يهدى الجميع... أو يهدهم ;)

مفلس افندى الرايق said...

لو كان لبس الخوزه

كانت هتبقى راسه محروسه

بس الظاهر ده من تأثير اللبوسه

او يمكن مراته عضته

علشان ما حلتوش الا بوســـه

وقالتله روح يا خيبه

ياللى مالكش عوزه

روح العب ف الطين

هو انت فاكرنى عجوزه

انا عاوزه راجل ماتين

الاقيه وقت عوزه


حد عامل غدى حلو النهارده اصلى زهقت من الفول اللى بيعلف العجول

Ayat said...

مفلس أفندى:
هههههههههه، ماله الفول بس؟!! بكرة ولاد اللذينا يغلوه علينا و عشان نطوله يطلعوا عليه عنينا

مفلس افندى الرايق said...

قصيدة غزل ف الفول

من يوم ماعيونى شافت النور

وانا على الغدى والعشا والفطور

شايف طبق واحد

والكل قاعد ساكت

وكل مانعيط انا واخواتى ونقول

يا ماما معدتنا جبست وتعبنا من الفول

نلاقى ضرب فينا

ونتعلق من رجلنا

وماما تقولى هو ابوك جاب لحمه

وانا ماعملتهاش وطخ بالجزمه

ابوك ياخيبه يا رمه

خدنى من بيت عز هو كان يطول

دانا كنت بفطر وز

وبندبح العجول

وابوك خدنى ورمانى

ويوم الصباحيه ندانى

قالى ياحبى من النهارده

حياتنا فول فى فول

قولتلها انا مالى يا امه

انا نفسى اشوف الكفته

هوب طخ تانى بالجزمه

وقالتى ولا كلمه

وقعدت اعيط برضه

بس كلت الفول

انا خلاص شهرين واكاكى وانعر ف الشوارع

نفسى الفول يغادرنا ويقولنا مش راجع

LAMIA MAHMOUD said...

ربنا ستر على اللي كانوا رايحين له

Ayat said...

مفلس أفندى:

قصيدة مسخرة .. إلى أمام يا ضحايا الفول

lAMIA MAHMOUD:
المقلب يكون حصلهم وهما راجعين .. ربنا يجعل كلامنا خفيف عليهم

Anonymous said...

hi ana sara shofti el balad wasdalitna li eh? 7'alatna nel3'i mn dema3'na ay e7timal in el ragil da ykon mazlom ..ma3a eno momkin fi3lan ykon mazlom..